DILI, TIMOR-LESTE – Embaixada Estadus Unidus iha Dili liu husi projetu USAID nian Turizmu Ba Ema Hotu (TBEH) prepara ona inisiativa hodi ajuda Governu Timor-Leste no negosiante Timor oan sira rekoopera husi lakon rendimentu durante pandemia COVID-19. Objetivu projetu nian atu estimua demanda turizmu nian, ajuda emprezáriu ki’ik no médiu no liga pioneiru turizmu Timor-Leste nian ba industria turizmu internasionál.

Bazeia ba peskiza husi intervista hotu liga ba operadór turizmu iha Timor-Leste hanesan negósiu luku, otéls no artezenatus sira, TBEH identifika pillar tolu hodi rekoopera estratéjia ne’ebé foka ba maneja krize no redús nia impaktu; fornese estimulasaun no aselera rekooperasaun; no prepara ba iha futuru.

TBEH mós prepara “Inisiativa Reinisiar Turizmu Timor-Leste” hodi akompaña Ministériu Turizmu, Komérsiu no Indústria hodi reativa fali indústria. TBEH nia idea inklui kampaña doméstiku hodi estimula nesesidade turizmu nian iha nasaun nia laran; estabelesementu liña konsultivu id aba emprezadór ki’ik no médiu hodi buka ajuda; kolabora ho instituisaun mikro-finansa nian hodi hadi’a asesu ba iha finansa ba emprezadór sira ne’e; no, TBEH mos hato’o dalan seluk hodi rekoñese destinasaun turizmu ne’ebé iha no rekoñese pioneiru komunidade turizmu nian no lideransa.

”Reboot” ida ne’e husi Projetu Turizmu Ba Ema Hotu hanesan ezemplu ida oinsá Estadus Unidus bele ajuda suporta Timor-Leste durante hasoru dezafiu husi COVID-19 no redus impaktu ba ninia ekonomia, inklui iha industria turizmu nian.” Hatete Embaixadora Estadus Unidus Kathleen Fitzpatrick. “Estadus Unidus kompremetida globalmente no iha Timor-Leste ami adopta ami nia programa hodi bele hasoru dezafiu ne’e elende liu husi kontribuisaun finansiamentu, ne’ebé mak atinje ona besik millaun ida pontu neen no besik billaun ida ba mundu tomak.”

“Nudar emprezadór ho ema hamutuk 220 iha Timor-Leste, liu-liu iha servisu indústria ospitalidade nian, ami fiar esforsu hamutuk ho Governu Timor-Leste no ajénsia seluk inklui USAID nia Projetu Turizmu Ba Ema Hotu importante tebes ba revitaliza indústria Turizmu iha Timor-Leste,” hatene Sam Aluwihare, Xefe Ofisiais Ezekuitiva East Timor Trading Group no nudar Vice Prezidente ba Oteél Nain sira iha Timor-Leste. “Ne’e importante tebes ba asegura saida mak ita harii ona besik tinan 18 nia laran, mantein ita nia ema atu lakon servisu no reinisiar setór hodi atinje objetivu nasaun nian ba diversifika ekonomia no turista kuaze 200,000 iha tinan 2030.”

TBEH ajuda Ministériu Turizmu, Komérsiu no Indústria Timor-Leste nian hodi implementa estratéjia turizmu nasionál ho objetivu atu atria turista internasionál hamutuk 200,000 kada tinan to 2030 hodi aumenta nasaun nia rendimentu millaun atus ida lima nulu no fó servisu ba ema hamutuk rihun sanulu resin lima. Harii industria turizmu nudar elementu importante ba planu Timor-Leste nia hodi diversifika ninia ekonomia ne’ebé dependente ba mina.

Estadus Unidus ajuda ema iha mundu tomak la’os de’it liu husi Governu Estadus Unidus maybe mós liu husi jenerosidade negosiadór privadu, grupu nonprofit, organizasaun sosiál, organizasaun fiar nian, no individuals. Hamutuk Amerikanu fornese ona besik billaun haat iha ninia doasaun no asisténsia, alende ba saida mak Governu Estadus Unidus fornese ona.

NOTE: The full report,  “Timor-Leste Tourism Reboot Initiative: A Proactive Plan For the After-Corona Era.” is available here: https://www.timorleste.tl/documents/timor-leste-tourism-reboot-initiative/ ll

Governu Estadus Unidus, liu husi USAID, servisu hamutuk iha parseiru ho Governu Timor-Leste hodi apoiu baze ne’ebé luan no dezenvolvimentu ne’ebé efetivu. Dezde tinan 2001, USAID fornese besik millaun atus tolu lima nulu iha asisténsia dezenvolvimentu ba Timor-Leste. USAID apoiu Timor-Leste nia esforsu hodi harii nasaun ne’ebé demokrátiku, saudavel no prósperu liu husi programa ne’ebé mak haforsa kreximentu ekonomia ne’ebé inkluzivu no sustentável, espesiálmente iha setór agrikultura no turizmu; hadi’a saúde povu Timor-Leste nian, partikularmente feto no labarik; no haforsa fundasaun ba boa governasaun – area hotu ne’ebé mak marka iha Timor-Leste nia Planu Estratéjia Dezenvolvimentu 2013-2030 no sei serve ba halo nasaun bele reziliénsia liu tan iha futuru. Atu hatene liu tan, vizita: www.usaid.gov/timor-leste.