مزار شریف، افغانستان – د امریکا نړیوالې پراختیايي ادارې د پروموټ پروګرام د ښځې په حکومت کې (WIG) پروژې په بلخ ولایت کې د ملکي خدمتونو د کار زده‌کړې یوکلن پروګرام څخه د ۱۳۲ ښځو فراغت لمانځلو په موخه یوه غونډه په‌لاره واچوله. د کار زده‌کړې دغه پروګرام افغان ښځې ملکي خدمتونو کې د ګډون په موخه په اړینو تجربو او پوهې سمبالوي. د یاد پروګرام د فارغانو دغې ډلې ته د افغانستان حکومت له‌خوا د یو کال کاري تجربې تصدیق پاڼې چمتو شوې ترڅو دولتي بستونو کې د ګمارنې اړوند شرایط پوره کړي.

د افغانستان حکومت ژمن دی چې د امریکا نړیوالې پراختیايي ادارې په مرسته د ۲۰۲۰ام کال پورې په ملکي خدمتونو کې د ښځو شمېر ۳۰ سلنو ته لوړ کړي. د ټاکل شوې موخې ترلاسه کولو سره به د ملکي خدمتونو وړتیا د افغانستان نارینه او ښځېنه وګړو اړتیاوو پوره کولو برخه کې لوړه کړي. د امریکا نړیواله پراختیایي اداره ښځینه زده‌کوونکو ته د ملکي خدمتونو ځانګړو روزنو او د مشرتابه (رهبرۍ) روزنو چمتوکولو له لارې د افغانستان حکومت سره مرسته کوي چې یاده موخه ترلاسه کړي.

د ۲۰۱۵ کال د اپریل میاشتې څخه د ۲۰۱۸ کال د ډیسمبر میاشتې پورې د ښځې په حکومت کې (WIG) پروژې د کار زده‌کړې یو کلن پروګرام څخه د ۲۰۰۰ څخه زیاتې ښځې فارغ شوې دي. دغه فارغانې اوسمهال په ملکي خدمتونو کې خالي بستونو ته غوښتن‌لیکونه استوي.

د بلخ ولایت د مقام دفتر د جندر کارپوهې، آغلې جمیله آریامل، په دي اړه وویل «د پروموټ پروګرام په دولتي ادارو کې د ښځو د ګمارنې څخه د ملاتړ له لارې ورورو د ښځو پر وړاندې خنډونه لري کوي.» هغې زیاته کړه «زه د پروموټ پروګرام د ښځې په حکومت کې (WIG) پروژې او د کار زده‌کړې پروګرام فارغانو ته مبارکي وایم.»

د کار زده‌کړې فارغانو ستاینې ترڅنګ د امریکا نړیوالې پراختیايي ادارې د بلخ ولایت کې هغو ۲۵ دولتي ادارو څخه چې د عملي روزنو چمتو کولو او ګمارنې برخو کې یې د یاد پروګرام سره مرسته کړي وه ستاینه وکړه. د ښځې په حکومت کې (WIG) پروژې د کار زده‌کړې پروګرام فارغانو ډلې څخه څه‌باندې ۴۰۰ ښځو د بلخ، کابل، قندهار، ننګرهار، او هرات ولایتونو کې پوره وخته دندې موندلې دي.

د امریکا نړیوالې پراختیايي ادارې د پروموټ پروګرام څلور فعالیتونه لري چې د مشرتابه(رهبري) پراختیا، د ملکي خدمتونو روزنې، اقتصادي پیاوړتیا، او مدنې ټولنو له لارې دادخواهي په کې ګډون لري. تر دي دمه د پروموټ پروګرام د افغانستان ګوډګوډ کې د ۵۰۰۰۰ څخه زیاتو ښځو سره مرسته کړي. د پروموټ پروګرام په اړه د خپل نظر چمتو کولو لپاره په دغې پتې زموږ سره په اړیکه شئ: KBLPromote@usaid.gov.

د ۲۰۰۲ کال راهیسې په افغانستان کې پراختیایې پروګرامونو باندې د ۱۷ میلیاردو ډالرو څخه ډیرو پیسو لګولو سره، د امریکا نړیواله پراختیایي اداره افغانستان ته د ټولو څخه لوی دوه اړخیزه ملکي مرستندویه پروګرام وړاندي کوي. د امریکا نړیواله پراختیایي اداره د افغانستان حکومت او ولس سره ملګترتیا کوي ترڅو د هیواد خصوصي سکتور په مشري اقتصادي وده تضمین، یو دیموکراتیک او ځواکمن دولت چې د قانون حاکمیت له لوري حکومت وکړي رامنځته، او ټولو افغانانو ته لمړني روغتیایي او پوهنیز خدمتونه چمتو کړي.